Είχα έναν τόπον, ποίηση ποντιακή..

Είχα έναν τόπον ‘ς σ’ ηλ’ το γνέφιγμαν
λαμπροφωταγμένον Θεού ζέλεμαν,
ειχͮεν ‘ς σα πεγάδι͜α τ’ νερόν κατενόν
και-ν εέντον γαίμαν και φαρμάκ’ πικρόν,
../..
έτον ένας τόπος ντ’ έζην’ναν μ’ εγάπ’
είνας να μ’ επόρ’νεν έτρεχαν ‘ς σο γι͜αν’,
με ψωμίν κ’ ελαίας και χτηνί’ μιντζίν’
άλλο δεν ‘κ’ εθέλ’ναν ‘ς σ’ ατο τη ζωήν,
../..
ουλ’ είχαν ‘ς σην γούλαν μάλαμα σταυρόν
και-ν επαρακάλ’ναν πάντα τον Θεόν,
‘ς σ’ αψηλά ραχͮία κ’ έναν μαναστήρ’
ο Χριστόν ν’ ακούει κάθαν προσευχͮήν,
../..
έτονε λαμπάδα ανέβζηγον κερίν
και-ν έναν ημέρα ‘μαύρισεν ο ηλ’,
έντονε σκοτία-ν όλι͜α εχάθαν χόσ̌’
άλλ’ εταγουτεύταν κ’ άλλ’ εένταν φως.

26 24 09 2021 Έσαν κάποτε δυο αδέρφι͜α, Χαριτίδης Κ Ιωάννης Χαρίτον

Ποντιακή Ποίηση – Youtube – Δεβάστεν με τ’ ωτία σουν κ’ ακσέστεν με τ’ομμάτεα, πότε γελώ με τη χαράν και πότε με τα δάκρεα!!!

Ίσως η πρώτη φορά μέσω της οποίας, όσοι ενδιαφέρονται, μπορούν να ακούσουν ποίηση ποντιακή. Επισκεφθείτε το κανάλι του κ Χαριτίδη Κ. Ιωάννη γνωστό και ως «Χαρίτον» για του λόγου το αληθές στον παρακάτω σύνδεσμο…

https://www.youtube.com/channel/UCxzBEyfYYrn0tlH95fFFXVg?view_as=subscriber&fbclid=IwAR2WyKYkPdZVtYKxxakS5961UwKtJZeTUC9dA5ltHR3yInKJclXCQVv6yx4

Ποιήματα αφιερωμένα στην Παναγία του Χαριτίδη Κ. Ιωάννη «Χαρίτον»