Advertisements

Έκανε την πρεμιέρα του εχθές 11 Οκτωβρίου 2022 ένα νέο τραγούδι σε στίχους του δάσκαλου Χρήστου Ακριτίδη και μουσική του εμπνευσμένου Μπάμπη Κεμανετζίδη. Στο τραγούδι ο γλυκόλαλος Γιώργος Ορφανίδης. Τίτλος του » Όντες ση στράταν πορπατείς»

Όντες ση στράταν πορπατείς – Γιώργος Ορφανίδης
Στίχοι: Χρήστος Ακριτίδης
Μουσική: Μπάμπης Κεμανετζίδης
Φωνητικά: Χριστίνα Κεμανετζίδου
Επιμέλεια & Ενορχήστρωση: Μπάμπης Κεμανετζίδης
mk productions 2022

Όντες ση στράταν πορπατείς

Όντες ση στράταν πορπατείς
σην δέβα σ´ όλια σείουν
τα παλληκάρ͜ια παλαλώντς
και καρδόπα μανίουν.

Μανουσακόπα, αμάραντα
κόρι εσύ οξάζεις
κ´ ήντζαν τερεί σον πρόσωπο σ´
τ´ ομμάτ͜ια τ´ χαντιλ͜ιάζεις.

Γενίν το φιστανόπο σου
και ντ´ έμορφα ιεύ´ σε
και μετ´ εσέν που πορπατεί
καμίαν ´κί πεζεύ´ σε.

Ρεφρέν :
Η εμορφία σ´ παρλαεύ´
ο φέγγον πα ζελεύ´ σε
νασάν εείν´ το παλληκάρ´
εσέναν που λελεύ´ σε.

Επιμέλεια κειμένου: Χρήστος Ακριτίδης

Advertisements