Για να ακούσετε το τραγούδι πατήστε εδώ ☞

Ειρήνη ‘ς σον κόσμον..Ομάλ Καρσλίδικα

Στέλιος Καζαντζίδης


Έρθαν τα  Χριστούγεννα

Ειρήνη ‘ς σην γήν μανιτσα μ’

Ειρήνη ‘ς σην γήν

Όχι πόλεμοι ‘ς σον κόσμον

Ελαίας κλαδίν μανίτσα μ’

./.

Έρθαν τα Χριστούγεννα

Άπλωσον το χέρ’ μανίτσα μ’

Άπλωσον το χέρ’

Τριαντάφυλλα και ρόδα

Όχι το μαχαίρ’ μανίτσα μ’

Όχι το μαχαίρ’

./.

Έρθαν τα Χριστούγεννα

Τη θεού ο γιόν μανίτσα μ’

Τη Θεού ο γιόν

Και το περιστέρ’ φωλέαν

Εποίκεν ‘ς σο κανόν μανίτσα μ’

Εποίκεν ‘ς σον κανόν

./.

Έρθαν τα Χριστούγεννα

Φίλ’ κ’ όχι τουσμάν’ μανιτσα μ’

Φίλ’ κ’ όχι τουσμάν’

Όχι πόλεμοι ειρήνην

Και ‘ς σην γήν απάν’ μανίτσα μ’

Και ‘ς σην γήν απάν

./.

 

 

Έρθαν τα Χριστούγεννα..


 Έρθαν τα  Χριστούγεννα

κι όλι͜ä τα γιορτάς μανίτσα μ’

Και εσύ μάνα, για το παιδόπο σ’

 ξάϊ πως ‘κ’ ερωτάς μανίτσα μ’

./.

Ας ‘σην ξενιτείαν σύρω εγώ

τη γιαχά μ’ μανίτσα μ’

Θα ματών’ απέσ’ σο ψ̌όπο μ’

 ντ’ έχω τη γεράν μανίτσα μ’

./.

Το νερόν τη ξενιτείας

έν πολλά πικρόν μανίτσα μ’

Διψώ και θέλω να πίν-α

 την ψ̌ή μ’ φαρμακών’ μανίτσα μ’

./.

Σην εγκάλια ντ’ εκρατέθα

‘κ’ εγνώρτσα ζωήν μανίτσα μ’

Εκεί ας ψυχομαχ̌ίνω

κι άς εβγαίν’ η ψ̌ή μ’ μανίτσα μ’

./.